प्रा. मंडलिकांचे मताधिक्य विरोधक तोडू शकणार नाहीत : आ. क्षीरसागर

0 3

कोल्हापूर (प्रतिनिधी) : कोल्हापुरात सध्या धनुष्यबाणाचे वारे वाहात आहे. कसबा बावडा परिसर शिवसेनेचा बालेकिल्ला असून प्रत्येक निवडणुकीत याचा प्रत्यय येत आहे. प्रा. मंडलिक यांचे मताधिक्य विरोधक शेवटपर्यंत तोडू शकणार नाहीत, असे प्रतिपादन आ. राजेश क्षीरसागर यांनी केले. ते आज (शनिवार) प्रा. संजय मंडलिक यांच्या प्रचारार्थ कसबा बावडा, लाईन बझार परिसरात आयोजित पदयात्रेवेळी बोलत होते.

आज सकाळी प्रचारफेरीची सुरुवात आ. राजेश क्षीरसागर, नगरसेवक अशोक जाधव, श्रीराम सोसायटीचे संचालक प्रवीण लाड, यशवर्धन मंडलिक यांनी केली. ही प्रचार फेरी भगवा चौक, कडवे गल्ली, झेंडा चौक, वाडकर गल्ली, शिंदे गल्ली, जय भवानी गल्ली, पिंजर गल्ली, मेन रोड, लाईन बझारमार्गे येऊन पद्मा पथक चौकात समाप्त झाली.           

आ. क्षीरसागर म्हणाले की, निवडणुकीस चार दिवसांचा अवधी शिल्लक असून, शिवसैनिकांनी गाफील न राहता दक्ष रहावे. यासह जास्तीत जास्त मतदारांपर्यंत पोहचून प्रा. संजय मंडलिक यांना निवडून आणण्यासाठी घरोघरी धनुष्यबाण पोहचवावा. शहरातील प्रा. संजय मंडलिक यांना जनतेचा अभूतपूर्व प्रतिसाद मिळत आहे. कसबा बावड्यातील राजाराम पुलाच्या बांधकामास शिवसेना-भाजप युती शासनाने निधी दिला असून, लवकरच नव्या पुलाचे काम पूर्ण होईल. येत्या २३ रोजी प्रा. संजय मंडलिक यांना प्रचंड बहुमतांनी विजयी करावे, असे आवाहन केले.

या वेळी मोहन सालपे, दिनकर उलपे, संजय लाड, शिवसेना उपशहरप्रमुख सुनील जाधव, भीमराव बिरंजे, राजू काझी, राहुल माळी, दयानंद गुरव, रविंद्र माने, अक्षय खोत यांच्यासह शिवसेना-भाजप युतीचे पदाधिकारी, श्रीराम सोसायटीचे आजी माजी संचालक, बावडा परिसरातील भागातील नागरिक उपस्थित होते.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More