पणोरेनजीक टेम्पो-जीपची धडक : चार जखमी

0 1

ळे (प्रतिनिधी) : पणोरे (ता. पन्हाळा) येथे म्हासुर्ली-कळे रोडवर टेम्पो (एम एच ०९ ई एम ५१३७ ) व प्रवासी वाहतूक करणारी वडाप कमांडर जीप (एम एच 09 एस 7597 ) यांची समोरासमोर जोरदार धडक झाली. वडाप जीप शेजारील केरबा पोवार यांच्या शेतात ९ फूट खाली कोसळून झालेल्या अपघातात चौघे जखमी झाले. यामध्ये ३ महिला आणि एका इसमाचा समावेश आहे. हा अपघात आज सकाळी ११.३० च्या सुमारास घडला.  

जखमींमध्ये मारुती कांबळे (म्हासुर्ली) यांचा समावेश असून इतर महिलांची नावे समजली नाहीत. जखमींना विलास कांबळे यांनी तत्काळ रुग्णालयात घेऊन जाण्यात मदत केली.  जवळच असणाऱ्या शेतकऱ्यांनी व प्रवाशांनी पलटी झालेली जीप सरळ केल्याने ती वाचली. जीप शेतात गेल्याने शेतीचेही नुकसान झालेले आहे. त्यानंतर पणोरेचे पोलीस पाटील धनाजी गुरव यांनी कळे पोलिसांना याची माहिती दिली. घटनास्थळी पोलिसांनी पंचनामा केला. हवालदार महेश घाटगे, विठ्ठल जरग हे पुढील तपास करत आहेत.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More