‘नथुराम’वरून सारवासारव करताना कमल हसन पुन्हा बरळले…

0 1

चेन्नई (वृत्तसंस्था) : नेहमी वादग्रस्त वक्तव्य करून चर्चेत राहणारे, एमएनएम अर्थात मक्कल निधी मयम पक्षाचे प्रमुख, अभिनेते कमल हसन यांनी पुन्हा एकदा आपल्या अकलेचे तारे तोडले आहेत. नुकतेच त्यांनी ‘नथुराम गोडसे हा स्वतंत्र हिंदुस्थानचा पहिला हिंदू दहशतवादी होता’ असे विधान केले होते. यावरून त्यांच्यावर टीकेची झोड उठली. त्या विधानाबाबत सारवासारव करताना कमल हसन यांनी प्रत्येक धर्मात त्यांचे स्वत:चे दहशतवादी आहेत, आपण प्रामाणिक असल्याचा दावा कुणीही करू शकत नाही, असे म्हणत पुन्हा एकदा वाद ओढवून घेतला आहे.

काही दिवसांपूर्वी त्यांनी पक्षाचा प्रचार करताना ‘नथुराम गोडसे हा स्वतंत्र हिंदुस्थानचा पहिला हिंदू दहशतवादी होता’ अशी शेरेबाजी करून वाद ओढवला आहे. त्रिची येथे त्यांच्या प्रचारसभेवर दगडफेक झाल्यानंतर हसन यांनी आणखी एक वादग्रस्त वक्तव्य केले आहे. मला असल्या हल्ल्यांची भीती वाटत नाही, प्रत्येक धर्मात त्यांचे स्वत:चे दहशतवादी आहेत, आपण प्रामाणिक असल्याचा दावा कुणीही करू शकत नाही. प्रत्येक धर्मात कट्टरपंथी आहेत याबाबतचे इतिहासात  दाखले आहेत, असे कमल हसन म्हणाले. नथुराम गोडसेंबाबत शेरेबाजी प्रकरणावर कमल हसन यांना माध्यमांच्या प्रतिनिधींनी विचारले असता, मला अटक होण्याची भीती नाही, जर मला अटक झाली तर नवीन समस्या निर्माण होतील, असे सांगत हा इशारा नसून सूचना आहे, अशी मखलाशीही त्यांनी केली.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More