धामणी खोऱ्यात प्रशासनाकडून मतदान जागृती : ग्रामस्थ बहिष्कारावर ठाम

0 3

कळे (प्रतिनिधी) : लोकसभा निवडणूक काही दिवसांवर येऊन ठेपलेली असताना महाराष्ट्राचा धामणी प्रकल्प गाजत आहे. प्रकल्पाच्या पूर्णतेसाठी लोकांनी टाकलेला बहिष्कारामुळे संपूर्ण प्रशासन खडबडून जागे झाले आहे. त्याचाच परिणाम म्हणून रविवारी म्हासुर्ली (ता. राधानगरी) येथे जिल्हाधिकारी दौलत देसाई यांनी धामणी खोऱ्यातील जनतेच्या समस्या जाणून घेऊन त्यांना मतदानासाठी प्रोत्साहित केले. मात्र सरकार व धामणीवासीय यांच्यातील मध्यस्थी निष्फळ ठरली असल्याने त्यांना नाइलाजाने माघारी फिरावे लागले.

एवढे सगळे असूनही जिल्हा प्रशासन धामणी खोऱ्यातील जनतेला मतदानासाठी प्रोत्साहित करण्याची एकही संधी सोडत नाही आहे. त्याचाच भाग म्हणून या भागातील जिल्हा परिषद शाळांना सुचना देऊन प्रत्येक गावात मुलांद्वारे मतदान जागृती फेरी काढून लोकांना मतदानासाठी परावृत्त करण्याचे प्रयत्न सुरू आहेत. आणि यासाठी शिक्षकांनाही कामे देण्यात आली आहेत.

ग्रामपंचायतीचे ग्रामसेवक, सरपंच, सदस्य यांनाही हाताशी धरले जात आहे. त्यासाठी जि. प. च्या उप मुख्य कार्यकारी अधिकारी मोरे याही  गावोगावी जाऊन लोकांना मतदानाचा हक्क बजावण्यासाठी विनंती करत आहेत. त्याचबरोबर जिल्हाधिकाऱ्यांनी स्वतः लेखी लिहून दिल्यास विचार केला जाईल असा निर्णयही या वेळी सांगण्यात आला. लोकांचा बहिष्काराचा  निर्णय ठाम असल्याने विविध प्रशासकीय अधिकारी धामणी खोऱ्यातून नाराज होऊन परतत आहेत.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More