जोतिबा येथील गायमुखावर सहजसेवा ट्रस्टतर्फे अन्नछत्रास प्रारंभ

0 2

कोल्हापूर (प्रतिनिधी): सहजसेवा ट्रस्टच्या अन्नछत्र सेवेला आज (बुधवार दि.१७) सकाळी सात वाजल्यापासून सुरुवात झाली आहे. ज्योतिबा येथील चैत्र यात्रेकरिता बेळगाव, लातूर, उस्मानाबाद आदी भागातून भाविक डेरे दाखल होत आहेत. गेल्या अठरा वर्षापासून सहजसेवा ट्रस्टतर्फे गायमुखावर मोफत अन्नछत्राचा उपक्रम राबवला जातो.

या अन्नछत्रासाठी 15 हजार चौरस फुटाचा भव्य मोठा मंडप उभारण्यात आला आहे. तसेच चहा व मठ्ठयासाठी स्वतंत्र मंडप उभारले आहेत. गेली महिनाभर ट्रस्टचे विश्वस्त, कार्यकारी मंडळ व मित्रमंडळींनी कष्ट घेऊन अन्नछत्राची तयारी पूर्ण केली आहे. अन्नछत्र काळात ट्रस्टचे तीनशे ते साडेतीनशे कार्यकर्ते अखंडपणे राबणार आहेत. यानिमित्त रक्तदान शिबिराचे आयोजन करण्यात आले आहे.

जेवणासाठी बारा हजार किलो बासमती तांदूळ, तीन हजार किलो तूर डाळ, तीन हजार किलो रवा, सात हजार किलो साखर, 350 तेलाचे डबे, सात हजार लिटर दूध, 200 किलो चहा पावडर, 300 किलो काळा घेवडा, ट्रक भरून भाजीपाला, कांदे, बटाटे तसेच इतर मसाला मोठ्या प्रमाणात आणण्यात आला आहे. या अन्नछत्राचा भाविकांनी लाभ घ्यावा, असे आवाहन विश्वस्तांकडून करण्यात आले आहे. त्याचबरोबर यात्रेत येणाऱ्या बैलगाड्यांसाठी शेंगदाना कपरी पेंड, भुसा  देण्यात येणार आहे. या अन्नछत्राला जिल्हा परिषदेचे मुख्य कार्यकारी अधिकारी डॉक्टर अमन मित्तल यांनी आज भेट दिली. त्यांनी महाप्रसादाचा आस्वाद घेऊन समाधान व्यक्त केले. ट्रस्टच्या कार्याबद्दल त्यांनी कौतूक केले.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More