चिमुरड्यांच्या ‘ममते’मुळे वाचला मांजराचा जीव…

0 2

कोल्हापूर (प्रतिनिधी) : सिमेंट काँक्रिटच्या जंगलात माणुसकी हरवत चालली आहे, कोण कोणास मदतीसाठी थांबत नाही. अडचणीला  मदतीला धावून येणारे एखादा हे जणू समीकरण बनत चालले आहे. पण कोल्हापुरात आज (रविवार) एक वेगळे उदाहरण पहायला मिळाले. उन्हाचा तडाखा बसल्यामुळे मांजराचे लहान पिल्लू पत्र्यावरुन खाली कोसळून जखमी झाले होते. त्याला व्हाईट आर्मी आणि तिथल्या स्थानिक लहान मुलांनी त्याला जीवदान दिले.

व्हाईट आर्मीचे प्रशांत शेंडे यांना आज सकाळी मांजराचे पिल्लू जखमी झाल्याचा फोन आला. ते ताबडतोब बाबुजमाल दर्गा येथे तातडीने दाखल झाले. यावेळी त्यांना लहान मांजराचे पिल्लू अशक्त आणि उन्हाच्या तडाख्यामुळे वरून खाली कोसळल्याचे समजले. त्याचा शोध घेत ते बाबुजमाल दर्ग्याच्या मागील बाजूस आले असता ते पिल्लू तिथे बसल्याचे दिसले. यावेळी तिथल्या लहान मुलांनी तिथे त्यांच्या भोवती घोळका केला. यामध्ये मुस्लिम बांधवांचा रोजा सुरू असल्याने त्यातील काही मुलांचाही उपवास होता त्यांनी शेंडे यांच्याशी संवाद साधला.

त्यांनी सांगितले की, ते मांजराचे पिल्लू काल दुपारपासून आजारी आहे. त्याने गेले दोन दिवस काहीही खाल्ले नाही. त्याला दवाखान्यात घेऊन जावूया. तोपर्यंत एका मुलाने शेंडे यांना आम्ही दूध आणले आहे, त्याला पाजू का असे विचारले. यावेळी शेंडे यांनी त्याला दुध कोठून आणले हे विचारले. त्यावेळी त्या मुलाने दुसऱ्यांच्या घरातून मागून दूध घेऊन आल्याचे सांगितले. दूध पिल्यानंतर ते मांजराचे पिल्लू त्या मुलांच्या सोबत खेळू लागले. या मांजराला वाचवण्यासाठी लहान मुलांनी केलेली धडपड पाहून नक्कीच वाटते की अजूनही माणूसकी जिवंत असल्याचे दिसून येते.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More