ग्रामीण भागांच्या विकासासाठी निधी कमी पडू देणार नाही : आ. प्रकाश आबिटकर

0 1

गारगोटी (प्रतिनिधी) : ग्रामीण भागातील जनतेसाठी शासन विविध योजना राबवित आहे. या योजनांच्या माध्यमातून सामान्य जनतेपर्यंत विकास  योजना पोहचवणार आहे. ग्रामीण भागाचा सर्वांगिण विकास करण्यासाठी निधीची कमी पडू देणार नाही, असे प्रतिपादन आ. प्रकाश आबिटकर यांनी केले. ते फये (ता.भुदरगड) येथील विविध विकास कामांच्या उद्घाटनावेळी बोलत होते. 

आ. आबिटकर म्हणाले की,  ग्रामीण भागाच्या विकासासाठी केंद्र व राज्य शासन जनतेच्या कल्याणासाठी विविध योजना राबवित आहे. या विविध योजनांच्या माध्यमांतून शासनामार्फत अनेक कामे हाती घेण्यात आली आहेत. मतदार संघाच्या विकासासाठी दळणवळणाची सुविधा चांगली असली पाहिजे. ग्रामीण भाग प्रत्येक रस्त्याने जोडल्यास त्या गावांतील नागरीकांचा विकास होण्यास मदत होणार आहे. ग्रामीण भागातील  शेतकऱ्यांसाठी पाणी, वीज व रस्ते या मुलभूत गरजा आहेत. या गरजा पुर्ण करण्यासाठी शासन प्रयत्नशील असल्याचे सांगितले.

चेअरमन लक्ष्मण राऊळ यांनी फये गावाला ४९ लाखांचा रुपयांचा निधी दिल्याबद्दल आ. आबिटकरांचे आभार मानले.

यावेळी कल्याणराव निकम, हणबरवाडी सरपंच धनाजी खोत, अरुण शिंदे, रणधिर शिंदे, के.एम.कुपटे,  धोंडीराम धुरे, दत्तात्रय जाधव, साताप्पा धुरे, राजू केसरकर, रवि पाटील, बाळासो पाटील, विठ्ठल पाटील, पांडूरंग पाटील, यांच्यासहीत ग्रामस्थ उपस्थित होते.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More