एक्झिट पोलचे सर्व ट्विट हटवा : निवडणूक आयोग

0 7

नवी दिल्ली (वृत्तसंस्था) : लोकसभा निवडणुकीचे सातव्या टप्प्यातील मतदान बाकी असतानाच सोशल मिडीयावर विशेषत: ट्विटरवर एक्झिट पोल संदर्भातील ट्विट झळकू लागल्याने त्याची गंभीर दखल घेत केंद्रीय निवडणूक आयोगाने कारवाईचे पाऊल उचलले आहे. 

‘लोकसभा निवडणूक २०१९’च्या एक्झिट पोलसंदर्भात असलेले सर्व ट्विट तत्काळ हटवण्यात यावेत, असे स्पष्ट आदेश निवडणूक आयोगाने ट्विटर इंडियाला दिले आहेत. दुसरीकडे १९ मे रोजी सातव्या टप्प्यातील मतदान संपल्यानंतर एक्झिट पोल प्रसिद्ध करण्यास मात्र निवडणूक आयोगाने माध्यमांना परवानगी दिली आहे. 

ट्विटर इंडियाकडून मात्र याबाबत कोणतीही प्रतिक्रिया देण्यात आलेली नाही. ट्विटरवर प्रचंड संख्येने एक्झिट पोलशी संबंधित ट्विट असून या पोस्ट डीलीट करण्याचे मोठे आव्हान ट्विटरपुढे असणार आहे.  दरम्यान, तीन माध्यम समुहांना निवडणूक आयोगाने एक्झिट पोलवरून नोटीस बजावली असून ४८ तासांत त्यावर स्पष्टीकरण मागितले आहे.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More