आमच्या काळात सहा वेळा सर्जिकल स्ट्राईक, मात्र मतांसाठी वापर नाही केला : काँग्रेसचा दावा

0 1

नवी दिल्ली (वृत्तसंस्था) : काँग्रेसप्रणीत आघाडी सरकारच्या काळात सहा वेळा सर्जिकल स्ट्राईक करण्यात आले, असे सांगत वरिष्ठ काँग्रेस नेते राजीव शुक्ला यांनी सर्जिकल स्ट्राईकच्या तारखा जाहीर केल्या. त्याचप्रमाणे माजी पंतप्रधान मनमोहन सिंग यांनी सुद्धा यूपीए सरकारच्या काळातही सर्जिकल स्ट्राईकही झाले होते, पण आम्ही मतांसाठी त्याचा वापर केला नाही, असे सांगताना भाजपला टोला लगावला.

दिवंगत पंतप्रधान अटलबिहारी वाजपेयी यांच्या कार्यकाळात दोन सर्जिकल स्ट्राईक झाले होते. आम्ही कधीही सर्जिकल स्ट्राईकचा गाजावाजा केला नाही. ज्यांनी फक्त एक सर्जिकल स्ट्राईक केले, ते आपली पाठ थोपटून घेत आहेत. डॉ. मनमोहन सिंग आणि अटल बिहारी वाजपेयी यांनी कधीही पत्रकार परिषद घेऊन सर्जिकल स्ट्राईक केल्याचे सांगितले नाही, असे राजीव शुक्ला यांनी सांगितले.

युपीए सरकारच्या काळातही सर्जिकल स्ट्राइकही झाले होते. मात्र, आम्ही मतांसाठी त्याचा वापर केला नाही. मोदी सरकार आर्थिक स्तरावरील अपयश लपवण्यासाठी लष्कराच्या शौर्याचा लाभ उठवत आहे, हे अत्यंत लाजिरवाणे आहे, असे पंतप्रधान मनमोहन सिंग यांनी हिंदुस्तान टाइम्सला दिलेल्या मुलाखतीत म्हटले आहे.

तर २००४ ते २०१४ दरम्यान संपुआच्या राजवटीत जम्मू-काश्मीरच्या भट्टल सेक्टरमध्ये १९ जून २००८ मध्ये पहिला, २०११ मध्ये ३० ऑगस्टला शारदा सेक्टरमध्ये दुसरा, सहा जानेवारी २०१३ रोजी सावन पत्रा चेकपोस्टमध्ये तिसरा, २०१३ सालीच २७-२८ जुलैला नाझापीर सेक्टरमध्ये चौथा, ६ ऑगस्ट २०१३ साली नीलम खोऱ्यात पाचवा आणि १४ जानेवारी २०१४ रोजी सहावा सर्जिकल स्ट्राईक केला, असा दावा शुक्ला यांनी केला. वाजपेयी सरकारच्या राजवटीत २००० साली सैन्याने २१ जानेवारी रोजी नीलम व्हॅलीत आणि १८ सप्टेंबर २००३ रोजी पूँछमध्ये बारोह सेक्टरमध्ये दुसरा सर्जिकल स्ट्राईक केला होता, अशीही माहिती शुक्ला यांनी दिली.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More