अखेर मांडेदुर्ग येथील बलभीम तालीम इमारतीचे भूमिपूजन !

0 6

मांडेदुर्ग (प्रतिनिधी) : मांडेदुर्ग (ता. चंदगड) येथील श्री बलभीम तालीम मंडळाची इमारत अनेक वर्षे कोसळलेल्या अवस्थेत होती. गावातील राजकीय वादामुळे कित्येक वर्षे हे काम रखडलेले होते. अखेर गावातल्या तरुणांनी एकत्र येत इमारत स्वखर्चातून बांधण्याचा निर्णय घेतला. आज (शनिवार) सरपंच सदानंद पाटील यांच्या हस्ते या इमारतीचे भूमिपूजन पार पडले.

चंदगडच्या लोकप्रतिनिधींनी पण चार वर्षांपूर्वी शासकीय मदत जाहीर केली होती, पण आजपर्यंत कोणत्याही प्रकारची मदत या तालमीसाठी मिळाली नाही. शेवटी गावातीलच तरुण मंडळी एकत्र आले आणि सदरची इमारत स्वखर्चातून बांधण्याचा एकत्रित निर्णय घेण्यात आला. इमारतीमध्ये तळमजला तालीम आणि वर व्यायामशाळा अशा प्रकारची इमारतींची बांधणी करण्याचे ठरले आहे. आज मांडेदुर्गचे सरपंच सदानंद पाटील यांच्या हस्ते सदरच्या इमारतीच्या उद्घाटनाचा कार्यक्रम पार पडला. या वेळी दयानंद भोगण, भरमाणा पाटील, वसंत पाटील, नारायण पाटील, जयवंत शिंदे, गणपत पवार, संजय गुंडप, मोहन कांबळे, अशोक कांबळे, विजय डसके, संजय बाबू पाटील, दौलत पाटील आदी उपस्थित होते.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More